HPG: سوپای تورک گورزێکی سه‌ختی به‌رکه‌وت

سەرچاوە؛ فورات نیوز:

ناوه‌ندی راگه‌یاندن و چاپه‌مه‌نی HPG ئه‌نجامی چالاکییه‌که‌ی 9ی شوباتی چه‌لێی راگه‌یاند که‌ له‌به‌رامبه‌ر 10 بنکه‌ و سه‌ربازگه‌ی سوپای تورک ئه‌نجامیان دابوو و ده‌ستنیشانی کرد که‌ گه‌ریلا 29 ته‌رمی سه‌ربازیان بینیوه‌. له‌ لێدوانه‌که‌ی HPG دا هاتووه‌ که‌ ته‌رمی 12 کۆماندۆ له‌ بنکه‌یه‌کی دیکه‌ و 2 سه‌ربازیش له‌ شوێنێکتر بینراون، هه‌روه‌ها 8 سه‌نگه‌ریش رووخێنراون و ده‌ستیشیان گرتووه‌ به‌سه‌ر بڕێکی زۆر که‌ره‌سته‌ی سه‌ربازیدا.

ناوه‌ندی چاپه‌مه‌نی و راگه‌یاندی HPG له‌باره‌ی چالاکییه‌که‌ی دوێنێی گه‌ریلاکان له‌ چه‌لێ لێدوانێکی به‌ رای گشتی راگه‌یاند و ئاماژه‌ به‌وه‌ ده‌کات که‌ سه‌ره‌ڕای سه‌ختی بارودۆخی زستان له‌ناوچه‌که‌دا ده‌وڵه‌تی تورک گورزێکی سه‌ختی به‌رده‌که‌وێت. HPG له‌ لێدوانه‌که‌دا ده‌ڵێت:" له‌ ئه‌نجامی به‌سه‌رداگرتنی هاوکاتی 10 ئامانجی وه‌ک سه‌ربازگه‌ و ته‌پۆڵکه‌ی سه‌ربازی له‌لایه‌ن گه‌ریلاکانه‌وه‌ 8 سه‌نگه‌ر تێکده‌شکێندرێن و ژماره‌یه‌کی زۆر له‌و 70 سه‌ربازه‌ی ناو سه‌ربازگه‌که‌ ده‌کوژرێن، گه‌ریلاکان ده‌چنه‌ سه‌ر 29 ته‌رم، هه‌روه‌ها ده‌ست به‌سه‌ر یه‌ک BKC و یه‌ک ژێرسێ و یه‌ک بۆمیهاوێژدا گیراوه‌."

HPG ده‌ستنیشانیشی کرد که‌ له‌ئه‌نجامی پێکادانێکی نزیک به‌ کاتژمێرێک و 15 خوله‌کدا 4 گه‌ریلا به‌ناوه‌کانی ڤیان وان، رۆژهات، شایان جودی و دیره‌ن مه‌ڵازگرد ژیانیان له‌ده‌ستداوه‌.

 

12 کۆماندۆ کوژراون

له‌ لێدوانه‌که‌دا راگه‌یاندراوه‌ که‌ له‌ چوارچێوه‌ی چالاکی گه‌ریلاکاندا، گه‌ریلاکان به‌سه‌ر ناوه‌ندی به‌تالیۆندا ده‌گرن و له‌ لێدوانه‌که‌دا هاتووه‌ :" جبه‌خانه‌ به‌تالیۆنه‌که‌ روخێنراوه‌ و له‌وێ 12 کۆماندۆ ده‌کوژرێن. گه‌ریلاکان به‌ چه‌کی قورس له‌ فه‌رمانداری لیوای ناوچه‌که‌یان دا که‌ نزیکه‌ی 3000 سێ هه‌زار سه‌ربازی لێیه‌ و گورزێکی سه‌خت له‌ماڵی ئه‌وفسه‌ر و جبه‌خانه‌ی لیواکه‌ دراوه‌."

ناوه‌ندی راگه‌یاندن و چاپه‌مه‌نی HPG له‌ لێدوانه‌که‌یدا ده‌ڵێت:" له‌لایه‌ن گه‌ریلاکانه‌وه‌ له‌ ساته‌وه‌ختی چالاکییه‌که‌وه‌ تا ئێواره‌ی دوێنێ یه‌کێک له‌ ته‌پۆڵکه‌کان ده‌کرێته‌ ئامانجی چه‌کی قورس و له‌وێش چه‌کێکی جۆری A4 به‌ سه‌نگه‌ره‌که‌یه‌وه‌ تێکده‌شکێندرێت و دوو سه‌ربازی ناو سه‌نگه‌ره‌که‌ش ده‌کوژرێن."

 

سوپا زیانه‌کانی ده‌شارێته‌وه‌

له‌درێژه‌ی لێدوانه‌که‌یدا HPG رایگه‌یاند:" گه‌ریلاکانمان به‌شێوه‌یه‌کی رێکوپێک و به‌ دیسپلینی سه‌ربازی له‌ ته‌پۆڵکه‌کانی (گرێ کۆماندۆ، گرێ شاهین، سه‌ربازگه‌ی گرێ سیڤری) و گه‌لێک شوێنی دیکه‌ی سه‌ربازی و به‌چه‌کی قورس و به‌ هێرشی راسته‌وخۆ ده‌کرێنه‌ ئامانج."

HPG ده‌ستنیشانی ده‌کات که‌ له‌کاتوساتی چالاکییه‌که‌دا سه‌ربازانی تورک به‌ خه‌ستی ده‌ستڕێژی له‌ ناو شارۆچکه‌که‌ ده‌که‌ن و زیان به‌ چه‌ندین ماڵو خانووی دانیشتوانی شاره‌که‌ ده‌گه‌یه‌نن، له‌گه‌ڵ‌ ئه‌مه‌شدا کاربه‌ده‌ستانی ده‌وڵه‌ت راسته‌وخۆ هێڵه‌کانی ته‌له‌فۆن ده‌بڕن.

له‌ ئه‌نجامی چالاکییه‌که‌دا ته‌رمی 43 سه‌ربازی تورک له‌لایه‌ن گه‌ریلاکانه‌ی HPG ه‌وه‌ بینراوه‌ و ژماره‌یه‌کی زۆریش برینداریش هه‌ن.

HPG ده‌ستنیشانی کرد که‌ له‌ماوه‌ی 1.15 خوله‌کی سه‌رداگرتنی هاوکاتی سه‌ربازگه‌ و ته‌پۆڵکه‌کاندا 4 گه‌ریلا ژیانیان له‌ده‌ستداوه‌ که‌ ناسنامه‌کانیان وه‌هان:

• هه‌ڤیله‌ ئیزه‌ر ناسراو به‌ (شایان جودی) له‌ ساڵی 1984 له‌ شڕناخ له‌دایکبووه‌ له‌ ساڵی 1996 له‌ که‌مپی په‌نابه‌رانی مه‌خموره‌وه‌ به‌شداری ریزه‌کانی گه‌ریلا ده‌بێت

• سایم گیۆنول ناسراو به‌ (دیره‌ن فرات) له‌دایکبووی 1991 شاری موش، له‌ساڵی 2009 له‌ ئه‌سته‌مبۆڵه‌وه‌ به‌شداری گه‌ریلا ده‌بێت.

• ئومران باڵکان ناسراو به‌ (ڤیان تێکۆشین) له‌ دایکبووی 1988 شاری وان، 2006 به‌شداری گه‌ریلا ده‌بێت.

• موحه‌ڕه‌م عومۆی میلان ناسراو به‌ (رۆژهات) له‌ دایکبووی 1989 رۆژهه‌ڵاتی کوردستان و له‌ساڵی 2006 به‌شداری گه‌ریلا ده‌بێت.

 

 

(( هه‌واڵ ))

له‌ چاوه‌ی کامێڕاوه