مێژووی پڕ سەروەری و هەنگاو بەرەو ئاوەدانی و بووژانەوە

ماڵپەری قەڵادزێ؛ بەرهەم فەهمی:

ئەمڕۆ لە یادی کارەساتە خوێناویەکەی ١٩٧٤/٤/٢٤ و ڕاپەڕینە جەماوەریەکەی ١٩٨٢/٤/٢٤ بە ئامادە بوونی هەموو لایەنە سیاسیەکان و داموو دەزگا حکومیەکان و جەماوەرێکی زۆر و خوێنکاران کات ژمێر ٩:٣٠ بە ڕێ ڕۆیشتن لە بەر دەم قائیمقامیەت بۆ سەر گۆڕی شەهیدان بە پێشڕەوی گروپی منداڵان- سەنتەری پاراستن و گەشەپێدانی منداڵانی قەڵادزێ بۆ گۆڕستانی قەڵادزێ دەستی پێکرد،

دوای گەیشتن بۆ گۆڕستان بە دەقیقەیەك وەستان بۆ گیانی پاکی شەهیدان دەست کرا بە دەست پێکردنی مەڕاسیمەکە، دواتر چەند ئایەتێك لە قورئانی پیرۆز خوێندرایەوە.

وتەی بەخێر هاتن لە لایەن بەڕێز (حسن عبداللە ) قایمقایمی قەزای پشدەر خوێندرایەوە، دەست خۆشی لە سەرجەم لایەنە سیاسیەکانی دەڤەرەکە کرد، کە ئەمساڵ جیا لە ساڵان بە هەموو رەنگە جیاوازەکان و دەست لە ناو دەست ئەم یادە بەرز ڕاگیرا، هەر لە وتەکانیدا چەند پێشنیار و داوا کارییەکی باس کرد بۆ خزمەت کردنی دەڤەرەکە.

هەروەها هەر یەکە لە وتاری پەڕلەمانی کوردستان و حکومەتی هەرێمی کوردستان و کەسو کاری شەهیدان لە لایەن مامۆستا غەریب محمد امین خوێندرایەوە.

دوو چالاکی هونەری "سرودی کوردستان و کۆڕاڵی قەڵادزێ" لە لایەن چالاکی هونەری بەڕێوەبەرایەتی پەروەردەی پشدەر بە سەر پەرشتیی م.محمود خدر پێشکەش کرا.

دواتر کەس و کاری شەهیدان‌و ئامادە بووان لە لایەن گروپی منداڵان-سەنتەری پاراستن و گەشە پێدانی منداڵانی قەڵادزێ، گوڵ باران کران،

کۆتای مەڕاسیمەکەش بە دانانی تاجە گوڵینە لە سەر مەزاری شەهیدان لە لایەن سەرۆکایەتی پەڕلەمان و نوێنەری سەرۆکی ئەنجومەنی وەزیران و ئەندام پەڕلەمانان و کەس و کاری شەهیدان و لایەنە سیاسیەکان مە ڕاسیمەکە کۆتای هات.

 

 

 

 

 

 

 

 

(( په‌ڕه‌ی ٢٤ / ٤ ))

له‌ چاوه‌ی کامێڕاوه